Որպես ՄԱԿ-ի անդամ պետություն՝ Հայաստանը հավատարիմ է ՄԱԿ-ի Կայուն զարգացման նպատակների (SDGs) իրագործմանը, որոնք միտված են վերացնել աղքատությունը, պաշտպանել բնությունն ու կլիման, ապահովել խաղաղություն և բարեկեցություն ամբողջ աշխարհում։
Համաշխարհային առևտրի կենտրոն Երևանը աջակցում է ՄԱԿ-ի Կայուն զարգացման նպատակների իրականացմանն ուղղված Հայաստանում ջանքերին։ Հայաստանը շարժվում է մինչև 2030 թվականը ջերմոցային գազերի արտանետումները 40%-ով կրճատելու նպատակի իրականացման ուղղությամբ։ WTC Երևանը աջակցում է այս ազգային առաջնահերթությանը՝ գործելով գլոբալ կայունության պարտավորություններին համահունչ։
Նախագիծը նպատակ ունի ձևավորելու ամենաբարձր որակի, նորարարական և շրջակա միջավայրի նկատմամբ պատասխանատվության չափանիշներին համապատասխան համալիր֊կառույց՝ նշանակալի ներդրում ունենալով Հայաստանի կայուն զարգացման գործընթացում։
Նորարարությունը, արդյունավետությունը և համաշխարհային լավագույն փորձը միավորելով՝ մենք ստեղծում ենք համալիր֊կառույց, որը,
Համայնքակենտրոն նախաձեռնություններով և կլիմայի փոփոխություններին համապատասխան ճարտարապետությամբ՝ մենք սահմանում ենք նոր չափանիշներ կայուն քաղաքային զարգացման մեջ՝ ստեղծելով ճարտարապետական խորհրդանիշ, որը կձևավորի քաղաքի դեմքը և կառաջնորդի դեպի զրոյական արտանետումներով ապագա։
Էներգաարդյունավետ նախագծման, վերականգնվող էներգիայի ինտեգրման և ռեսուրսախնայող ռազմավարությունների միջոցով WTC Երևանը նպաստում է կայուն և կանաչ ապագային։ Կայուն զարգացման նոր չափանիշ սահմանելու մեր առաքելությանը համահունչ, նախագիծը կիրառում է պասիվ և ակտիվ դիզայնի լուծումներ, որոնք դիմակայում են կլիմայական մարտահրավերներին և բարձրացնում էներգաարդյունավետությունն ու բնակելի հարմարավետությունը։ Այս սկզբունքները ոչ միայն աջակցում են Հայաստանի ազգային կլիմայական նպատակներին, այլև իրագործելի են դարձնում նախագծի հավակնությունը՝ ձեռք բերելու LEED Gold, WELL Gold և/կամ BREEAM Excellent սերտիֆիկացումը՝ կայունությունը ներդնելով զարգացման յուրաքանչյուր փուլում։
